Skynsamlegar áherslur í samgöngumálum

Ég bloggaði fyrir nokkru um hraða mismunandi samgöngumáta á höfuðborgarsvæðinu. Nú hefur  Umhverfis- og samgöngusvið Reykjavíkur endurtekið umferðarkannanir eins og greint er frá í  frétt Samgönguskrifstofunnar innan sviðsins. Niðurstaðan var að ferðahraði hafi aukist í samkvæmt könnun á aksturshraða og umferð hefur minnkað samkvæmt sniðtalningu.

Hver er þá skynsamleg áhersla í samgöngumálum til að gera umferð greiðari?

Á að eyða 15 milljörðum í mislæg gatnamót við Kringlumýrarbraut - Miklubraut eða á að fækka bílum á götunum með því að gera aðra samgöngumáta meira aðlaðandi, t.d. með:

  • stofnbrautum fyrir reiðhjól
  • forgangsakreinum fyrir strætó
  • samgöngusamningum á vinnustöðum
  • auka jafnræði samgöngumáta í peningalegu og skattalegu tilliti

Er ekki skynsamlegt að fækka bílum með því að gera aðra samgöngumáta meira aðlaðandi og skapa þar með meira pláss fyrir þá sem áfram nota einkabílinn? Líkur benda til að það sé mun ódýrari kostur og skapi mun fallegra borgarumhverfi en ofuráhersla á stærri umferðarmannvirki. Gleymum því ekki að umferðarteppurnar skapast ekki af þeim sem ganga, hjóla eða taka strætó. Síðast þegar ég vissi voru þetta allt einkabílar í umferðarteppunum.

Besti vinur einkabílsins er ekki bílstjóri í einkabíl heldur sá sem gengur eða hjólar.


mbl.is Ferðatími styttist á milli hverfa
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Eðlilega hefur umferð minkað þar sem íbúum Reykjavíkur hefur fækkað, það var ekki tekið með í reikninginn þegar þessi könnun var gerð.

Halldór (IP-tala skráð) 10.12.2009 kl. 17:47

2 identicon

Sæll Árni. Þetta er skemmtileg síða hjá þér og þarft framtak að halda á lofti ágæti hjólreiða. Hvað sem líður bílaumferð er umferðaþungi  greinilega að aukast á hjólastígum borgarinnar og er það vel . Kveðja Snorri

Snorri Gunnarsson (IP-tala skráð) 15.12.2009 kl. 09:47

3 Smámynd: Árni Davíðsson

Sæll Halldór. Það eru eflaust margar skýringar á minni umferð. Færri íbúar er ein skýring en efnahagsástandið líka. Svo má ekki gleyma því sem Snorri víkur að, að umferð er ekki bara bílaumferð. Fólk ferðast líka gangandi, hjólandi og í strætó. Í þessari könnun Samgönguskrifstofunnar er ekki vikið að því að fólk ferðast kannski í meira mæli öðruvísi en á einkabíl núna. Tilfinningin sem ég og Snorri og fleiri höfum er að umferð hjólreiðamanna hafi vaxið mikið síðustu ár.

Fyrir skömmu birti Umhverfis- og samgöngusvið niðurstöður talningar á hlutdeild reiðhjóla á sömu sniðum og í bílatalningunni. "Hlutdeild reiðhjóla á götum borgarinnar":

http://www.rvk.is/Desktopdefault.aspx/tabid-259/1198_read-17422/

Þetta var fyrsta talningin í þessa veru þannig að ekki eru upplýsingar fengnar með talningu til frá fyrri árum.

Í gær birti svo Umhverfis- og samgöngusvið niðurstöður skoðanakönnunar um ferðavenjur skólabarna og fullorðinna. Niðurstaðan þar bendir til að fleiri ganga og hjóla til vinnu í nóvember 2009 heldur en 2008. "Fleiri ganga og hjóla til vinnu en áður, 14.12.2009:

http://www.rvk.is/Desktopdefault.aspx/tabid-259/1198_read-18043/

Margt bendir til að minni umferð megi rekja til breytinga á ferðavenjum og minni umsvifum í atvinnulífinu eftir hrunið.

Árni Davíðsson, 15.12.2009 kl. 16:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Árni Davíðsson
Árni Davíðsson
Höfundur er líffræðingur og kennari í hjólafærni. Allar skoðanir höfundar eru hans eigin og skal ekki yfirfæra á aðra einstaklinga eða samtök. Tölvupóstur: arnid65@gmail.com

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • HI deiliskipulag
  • Akureyri 10 min kort
  • cars
  • Hagatorg
  • Ellidaarborg

Nýjustu myndböndin

Frá Birkimel á Eiðistorg

Frá Nesveg í Kópavog

Frá Suðurlandsbraut á Birkimel

Frá Eiðistorgi á Laugaveg

Kársnes Höfðabakkabrú Mosfellsbær

Innskráning

Ath. Vinsamlegast kveikið á Javascript til að hefja innskráningu.

Hafðu samband