Ætti að refsa fyrir svefnakstur?

Akstur sofandi er sennilega eitt hættulegasta umferðarlagabrotið.

Ætti að refsa fyrir það í samræmi við alvarleikann og dæma menn til sektar og t.d. samfélagsþjónustu?

Sofnaði undir stýri og lenti utan vegar

Ekki alveg réttur samanburður

Þarna er ekki tekið tillit til fjárbindingar í húsnæðinu hjá þeim sem eiga húsnæðið sjálfir.

Ef maður á t.d. 30 milljóna húsnæði skuldlaust gætu tapaðar vaxtatekjur af þeirri upphæð verið 1,5 milljónir á ári m.v. 5% raunvexti. Forsendurnar skipta auðvitað máli s.s. raunvextir, breytingar á fasteignaverði, kostnaður við viðhald og skattar.

Það er a.m.k. ljóst að eign sem engum vöxtum skilar kostar líka þótt sá kostnaður sé ekki tíundaður hér.

Það væri áhugavert að skoða byggingakostnað íbúðarhúsnæðis og hvernig væri hægt að lækka hann. Líka hvort fasteignaverð endurspegli byggingarkostnað og hvernig best væri hægt að ná jafnvægi milli byggingarkostnaðar og fasteignaverðs þannig að hægt sé að byggja íbúðir sem landsmenn hafi efni á. 

18% af ráðstöfunartekjum í húsnæði

Færa þarf bílana

Erlendis eru götur víða hreinsaðar reglulega af sópurum. Sérstakar reglur eru um að bíleigendur þurfa að færa bíla sína og hafa götustæði auð þannig að sópararnir komist um.

Væri ekki ástæða fyrir sveitarfélög að setja þannig upp hér á landi? Þá sætum við ekki uppi með möl og sand allt sumarið þar sem bíll stóð í stæði þegar sóparinn átti leið hjá um vorið. Það myndi draga úr svifryki en það er ein tegund loftmengunar sem hefur verið yfir mörkum hér á landi á Akureyri og á höfuðborgarsvæðinu.

Sópa götur í Reykjavík

Hvað skyldi sorphirða og sorpförgun kosta?

Skyldi vera erfitt að reikna út hvað sorphirða og sorpförgun kostar og láta íbúa borga kostnaðarverð eins og þeim ber? Það virðist vera samkvæmt þessu. Er gjaldtakan ekki miðuð við kostnaðarútreikninga og þarf þá eitthvað að deila um gjaldtökuna?

Það væri gaman ef borgin myndi láta reikna út raunverulegt verð og taka gjöld í samræmi við kostnað. Núna er sorphirða og sorpförgun sennilega niðurgreidd með öðrum sköttum og öðrum gjöldum. Ef ég ætti að giska myndi ég halda að íbúar greiddu ekki meira en u.þ.b. 50% af kostnaði við sorpið með sorphirðugjöldunum. Að sama skapi er sennilega vatnsgjald á íbúðir um 100-200% of hátt miðað við kostnað við vatnsöflun og dreifingu en það að sama skapi líklega niðurgreitt til stórnotenda.

Gjaldskrá fyrir sorphirðu hækkuð

Líklega Mossad

Þetta vekur spurningar um hvort allir megi myrða þá sem þeir vilja eða bara sumir?

Íranskur vísindamaður myrtur

Armeni

Nú er Armenía loks sjálfstæð eftir fall Sovétríkjanna.

Vera Armeníu í Sovétríkjunum varð þjóðinni kannski til meira happs en flestra annara þjóða sem þar lentu undir því að öllum líkindum hefðu Tyrkir klarað þjóðarmorðið á Armenum ef þeir hefðu ekki komist í skjól.

Sögufrægur sovéskur njósnari látinn

Svartur blettur í sögu Finlands

 Finska borgarastríðið sem stóð frá 27. janúar til 5. maí 1918 er svartur blettur í sögu Finlands.

Í stríðinu og í fangabúðum eftir lok stríðsins dóu tæplega 37.000 manns. Flestir voru teknir af lífi af aftökusveit eða dóu í fangabúðum hvítliða eftir striðið. Börnin sem hérna er sagt frá eru hluti þeirra sem dóu í fangabúðunum. Konur voru einnig teknar af lífi af aftökusveitum og settar í fangabúðir þar sem börnin þeirra dóu með mæðrum sínum. Aftökusveitir hvítliða drápu um 5 sinnum fleiri en aftökusveitir rauðliða.

Í töflunni hér að neðan er samantekt yfir fjölda þeirra sem dóu í stríðinu og eftir að því lauk, tekin af Wikipediu.

 

 

 

 

 

 

Þess má geta að um 75.000 rauðliðar voru settir í fangabúðir. Af þeim dóu 12-13.000 manns af slæmri meðferð, hungri og vosbúð. Um 16% fanganna dóu því í fangavist sem var ekki lengri en 6-12 mánuðir. Þetta er svakaleg dánartíðni og jafnast á við margar alræmdar fangabúðir á öðrum tímum og öðrum stöðum.

Það má líka geta þess að stríðsárið 1941 þegar finnar réðust á Sovétríkin í samvinnu við þjóðverja settu þeir um 64.000 rússneska stríðsfanga í fangabúðir og af þeim létust 15.000 á fyrsta árinu. Það er um 23% fanganna eða tæplega fjórði hver fangi.

Hvít aftökusveit skýtur rauðliða i Länkipohja.

 

 

 

 

 

http://commons.wikimedia.org/wiki/File:FiringsquadLankipohja.jpg

 

Þúsund börn létust í finnskum fangabúðum

Sennilega rétt hjá Ögmundi

Það þarf samt ekki að útiloka það að einkaframkvæmdir séu notaðar eða að fjármögnun komi frá einkaaðilum eða lífeyrissjóðum.

Það er einfaldlega hægt að ná til baka kostnaði við framkvæmdina með gjaldtöku. Ef framkvæmdin er arðbær, nauðsynleg og uppfyllir þörf fólks fyrir t.d. samgöngur ætti það að vera lítið mál að innheimta gjöld fyrir notkunina.

Vandinn við sumar þær framkvæmdir sem nefndar hafa verið virðist vera að þær eru ekki arðbærar, nauðsynlegar né uppfylla þörf. Til dæmis virðist ýmsar vegaframkvæmdir með 2+2 vegum vera algjörlega óþarfar og hægt að leysa öryggisþáttin með vegriði í miðjunni og breikkun vegarins til að fá fullnægjandi vegaxlir og vegfláa. Þar sem ekki er hægt að koma við fullnægjandi vegfláa þarf vegrið meðfram veginum.

Lækkun ökuhraða niður í t.d. 70-80 km til samræmis við hönnunarhraða vegarins og umferðareftirlit til að fylgja því eftir væri svo líka til bóta.

Einkaframkvæmd dýrari

Gott verkefni

Fræðsla til ökumanna er af hinu góða og þessum peningum vel varið.

Ég sakna þess samt að lögreglan sé ekki duglegri við umferðareftirlit á þessum götum þar sem er mikil umferð gangandi, hjólandi og akandi. Lögreglan er eini aðilinn sem má sinna umferðareftirliti og meðan hún stendur sig ekki er engin sem getur staðið vaktina.

Koma þarf í veg fyrir of hraðan akstur, að talað sé í síma í akstri og að ökumenn aki yfir stöðvunarlínur á rauðu ljósi og stöðvi ofan á gangbrautum.

Ökumenn hvattir til að aka hægar

Sjálfbær án íhlutunar mannsins

Grasflatir borgarinnar þurfa mikið viðhald til að vera í því ástandi sem sumir íbúar vilja hafa á þeim. Það þarf að slá þær oft yfir sumarið og því fylgir mikill hávaði og mengun frá sláttutækjum. Sú vinna sem þarna er innt af hendi væri sennilega betur varið í eitthvað skynsamlegra eins og t.d. ræktun skjólbelta og skjólskóga í borginni.

Sveitarfélögin hafa hin síðustu ár verið að taka inn æ fleiri gróðurbrletti og byrja að slá þá þvert yfir í stað þess að reyna að halda gróðurfari á þeim náttúrulegu. Til dæmis hafa ýmsar mýrar verið ræstar fram og slegnar og gróðurfari þeirra breytt alveg án ástæðu. Ef hægt er að hafa annað gróðurfar á þessum túnum er það bara til bóta.

Endurheimta mætti votlend á nokkrum stöðum og láta það síðan þróast sjálft. Eins mætti rækta skjólskóga á stórum spildum til að draga úr vindi á útivistarsvæðum. Marga þurrlendisbletti má láta alveg í friði og láta náttúrulega framvindu hafa sinn gang. Það vill svo til að náttúrulegt gróðurfar í kringum höfuðborgarsvæðið er í hraðri sókn eftir að beit var hætt og ekki er að sjá að við þurfum að sinna þeim gróðri mikið. Hann sér alveg um sig sjálfur og kostar ekki kr. á hektarann í viðhaldi.

þar sem við viljum stunda trjárækt getum við gert  það með aðferðum framvindunnar. Byrjað með öspum og greni og ræktað seinvaxnari og langlífari tegundir í skjóli þeirra og síðan grisjað og höggið hinar skjótvaxnari. Draga má úr viðhaldi með því að gróðursetja runna undir trén sem halda undirlaginu lausu við illgresi.

Vilja minnka tún í borginni