Kostnaður við framkvæmdir

Það er augljóst mál að það hefði verið hægt að byggja þessar brýr með ódýrari hætti en það hefði líklega ekki munað mjög miklu ef þetta er borið saman við kostnað við aðrar framkvæmdir. Það var líka  lagt upp með að brýrnar yrðu flottur "arkítektúr" og minnisvarði og þeir sem hafa skoðað brýrnar líst vel á þær og þær eru mikil samgöngubót á þessarri leið.

Nýjasta skýrsla Vegagerðarinnar um framkvæmd samgönguáætlunar er frá 2011 og þar má sjá raunkostnað eða kostnaðaráætlun við hin ýmsu verk. Til dæmis kostar göngubrú yfir Vesturlandsveg með stuttum stígbútum um 104 milljónir króna. Undirgöng fyrir akandi og gangandi undir Reykjanesbraut við Straumsvík kosta um 305 milljónir króna. Það er þá á verðlagi þess árs býst ég við þannig að bæta þarf um 4% verðbólgu á ári upp á núvirðið. Svona geta menn skoðað kostnað við hinar ýmsu framkvæmdir ef áhugi er fyrir hendi.

Af einhverjum ástæðum hefur þó kostnaður við þessa framkvæmd vakið sérstakan áhuga ýmissra aðila en þeir virðast ekki hafa jafn mikin áhuga á að fjalla um kostnað við aðrar framkvæmdir.

 

Göngubrýrnar kostuðu 264 milljónir

Athugasemdir

[Hallgrímur Hrafn Gíslason, 8.1.2014 kl. 22:02]

Tvíbreið brú í tengslum við Norðfjarðargöng var í útboði 87 milljónir.

Brúin sem er verið að gera austan við Vík í Mýrdal ásamt 2 km af vegi kostar rérr innan við 500 milljónir.

264 millur fyrir þessar hjóla og göngu brýr er gaga

[Árni Davíðsson, 9.1.2014 kl. 11:45]

Ég hef enga ástæðu til að rengja þær tölur um kostnað sem þú nefnir en kostnaður við framkvæmdir hlýtur alltaf að fara eftir forsendum sem að baki liggja. Kannski ráða forsendurnar á bakvið framkvæmdirnar sem þú nefnir því  að þær eru til þess að gera ódýrar?  Þær eru ekki í skýrslu Vegagerðarinnar frá 2011 enda væntanlega nýrri.

Það kom reyndar fram í nýrri frétt í morgunblaðinu í dag að kostur nr. 2 í samkeppninni hefði ekki orðið ódýrari en þessi og að ýmislegt skýri háan framkvæmdakostnað.