Epli og appelsínur?

Ég veit ekki hvort Ragnar hafni alfarið alþjóðlegum samanburði en ég efast þó frekar um það. Slíkur samanburður er oft erfiður og þarf að gæta að því að ekki sé verið að bera saman epli og appelsínur. Stundum sýnist manni þeir sem eru í slíkum samanburði velji að halda á lofti þeim samanburði sem hentar þeirra málstað en ekki hinum sem styður hann ekki. Það kemur reyndar fram hjá Ástu að "opinberar rannsóknir séu ekki heilagar".

Þegar jafn einföld tölfræði og bílaeign íslendinga og flatarmál þéttbýlis í Reykjavík vefst fyrir mönnum er ekki á góðu von þegar á að bera saman lífskjör og annað með flóknum mælikvörðum.

Aðför að upplýstu samfélagi

Athugasemdir

[Vagn (IP-tala skráð) 11.5.2018 kl. 11:58]

Það er venjan hér að ef einhver ætlar að nota alþjóðlega viðurkennda staðla og hagtölur reiknaðar eftir viðurkenndum aðferðum þá vilja aðrir meina að aðstæður á Íslandi séu allt aðrar en í öðrum löndum og því sé allur samanburður ómarktækur auk þess sem allir sem noti þannig tölur séu að nota þær til að ljúga. Því sé best að trúa bara og treysta því sem Lúlli frændi sagði í síðustu fermingarveislu. Hann veit sínu viti þó hann sé ólæs og ekki lýgur hann.

[Árni Davíðsson, 11.5.2018 kl. 15:09]

Ég er nú ekki að meina þetta svona. Það þarf ekki að vera óeðlilegt að ræða samanburð milli landa og og skilja hverju munar. Ég bendi einfaldlega á það að þeir sem standa í slíkum samanburði velja sér oft þær tölur sem þeim hentar til að styðja sinn málstað en hafna öðrum tölum. Hvað kaupmáttinn varðar ræður mestu gengi íslensku krónunnar.