Jafnræði til náms eða jafnræði til bílastæða?

Ríkisháskólarnir hafa farið fram á 20.000 kr. hækkun innritunargjalda úr 45.000 í 65.000 en ekki fengið heimild til þess frá menntamálaráðherra og í kjölfarið boða þeir niðurskurð á skólastarfi. Innritunargjöld eru samkvæmt orðanna hljóðan gjöld til innritunar og eiga því að standa undir kostnaði við ýmiskonar utanumhald í tengslum við skráningu og umsýslu við hvern nemenda. Ef kostnaðurinn við það er hærri en 45.000 kr er ekki nema sjálfsagt að skólarnir fái leyfi til að hækka innritunargjöldin. Vandséð er þó að það ætti að hafa áhrif á kennslu eða skólastarf. Það er eitthvað annað sem útaf stendur þar. Skólana vantar e.t.v. hærri framlög á fjárlögum, leyfi til að taka upp skólagjöld eða þeir þurfa að sníða sér stakk eftir vexti og takmarka aðgang að skólunum. Það kemur semsagt ekki allt fram í fréttinni.

Ýmislegt bendir þó til að skólana vanti ekki peninga. Þeir veita til dæmis allir nemendum og kennurum ókeypis bílastæði. Þó getur engin haldið því fram að þessi stæði séu ókeypis né landið sem fer undir þau. Þau hafa öll verið borguð af skólunum eða af fasteignapeningum þeirra og leggja þar með fjárhagslegar byrðar á rekstur skólanna. Undantekningin er kannski HR en þar kostaði Reykjavíkurborg gerð bílastæðanna á lóð HR. Þar liggja bestu upplýsingarnar fyrir um kostnaðinn sem af bílastæðum hlýst. Þau munu hafa kostað um 300 milljónir króna skv. áætlun. Til viðbótar var reistur heill vegur fyrir um 500 milljónir króna til að koma umferð í skólann. Lífsstíll þeirra sem mæta á bíl í HR var niðurgreiddur um 300 milljónir fyrir stæðin og er það skattlaus og gjaldfrí niðurgreiðsla á einum ákveðnum samgöngumáta umfram aðra samgöngumáta. Þá mætti telja Nauthólsveg með í dæminu og nemur þá niðurgreiðslan allt að 800 milljónum króna.

HR4Sjaldan launar þó kálfurinn ofeldið. Nemendur (og kennarar?) þökkuðu fyrir sig með því að leggja á gróðureyjum milli bílastæðanna þannig að menn neyddust til að reisa moldargarða til að hindra að bílum yrði lagt þar.

Niðurgreiðslur á lífsstíl þeirra sem mæta á bíl í ríkisháskólana er samskonar en tölurnar liggja ekki uppi á borðinu þar.

Við erum flest sammála um að borga að langmestu leyti fyrir skóla og sjúkrahús með skattgreiðslum okkar og það er talið það sjálfsagt að það hefur meira segja verið sett í lög. Þó borgum við komu- og innritunargjöld og talað er um kostnaðarhlutdeild notenda þar. Hafið þið heyrt talað um kostnaðarhlutdeild þeirra sem nota bílastæði?(1) Það sem virðist skipta skólana meira máli en jafnræði til náms er jafnræði til bílastæða. Þó kveða engin lög á um skyldu til að útvega mönnum ókeypis bílastæði, hvorki fyrir nemendur eða kennara.

Hvernig væri að hætta að niðurgreiða þennan lífsstíl, að mæta á bíl í skólann? Það er einfaldlega hægt að taka 15.000 kr. gjald á hverri önn fyrir bílastæði og þar með gætu skólarnir fengið sömu upphæð og þeir fengju með hækkun innritunargjalda. Sennilega er sanngjarnt gjald fyrir einfalt bílastæði til að standa undir landverði, gerð og rekstri í langtímaleigu í kringum 30.000 kr. á ári. Í miðborginni er dæmi um að starfsmenn fái 68.000 kr. á ári í skattlaus hlunnindi  til að þeir geti greitt fyrir bílastæði.

Þurfa skólar sem ákveða að niðurgreiða lífsstíl nemenda og kennara um 30.000 kr. á ári að hækka innritunargjöld um 20.000 kr. á ári? Ég held ekki. Úr því skólarnir geta sólundað þessum peningum í bílastæði sem þeir afhenda endurgjaldslaust þurfa þeir varla að hækka innritunargjöld.

HR loftmynd1 Stæðin í HR kosta 300 milljónir króna.

 

HI loftmynd1

 

 

En hvað kosta stæðin í Háskóla Íslands?

 

 

HR2

 

Svona launar kálfurinn ofeldið.

 

HR3

 

 

Og svona líka

 

 

HR5

 

 

Það er langt að ganga fyrir lúin bein.

 

HR7

 

 

Þannig að það er best að leggja alveg við skólann.

 

HR1

 

 

Til að koma í veg fyrir að bílum sé lagt á graseyjum þarf að reisa garða næst skólanum.

 

HR6

 

 

Hvað skyldi hvert stæði kosta fyrir reiðhjól?

 

 

 

1. Á höfuðborgarsvæðinu eru talin vera nokkur hundruð þúsund bílastæði sem ekki eru við heimili. Um 1% þessara stæða eru með gjaldskyldu. Þau eru í miðborginni og skammtímastæði við Landspítalann og í boganum við Háskóla Íslands. Hvers vegna er sjálfsagt að niðurgreiða bílastæði á Íslandi? Áætla má að niðurgreiðslur með bílastæðum nemi nokkrum milljörðum króna á ári. 


mbl.is Skráningargjöld mun lægri en skólagjöld
Tilkynna um óviðeigandi tengingu við frétt

Bloggfærslur 7. janúar 2011

Höfundur

Árni Davíðsson
Árni Davíðsson
Höfundur er líffræðingur og kennari í hjólafærni. Allar skoðanir höfundar eru hans eigin og skal ekki yfirfæra á aðra einstaklinga eða samtök. Tölvupóstur: arnid65@gmail.com

Mars 2024

S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • HI deiliskipulag
  • Akureyri 10 min kort
  • cars
  • Hagatorg
  • Ellidaarborg

Nýjustu myndböndin

Frá Birkimel á Eiðistorg

Frá Nesveg í Kópavog

Frá Suðurlandsbraut á Birkimel

Frá Eiðistorgi á Laugaveg

Kársnes Höfðabakkabrú Mosfellsbær

Innskráning

Ath. Vinsamlegast kveikið á Javascript til að hefja innskráningu.

Hafðu samband