Eldsneytið ekki (svo) dýrt á Íslandi

Eldsneytisverð á Íslandi er um miðbik þess sem verðið er í Evrópu sbr. súluritið hér að neðan.

Margir bloggarar eru óánægðir með að ekki skuli tekið tillit til kaupmáttur á Íslandi í samanburði við Noreg. Þá er verið að bera saman við það land í evrópu sem er að öllum líkindum með mestan kaupmátt og hæst verðlag. Það má þó eins bera saman íslenskan kaupmátt við kaupmátt annarra þjóða í Evrópu.

Ef tekið væri tillit til kaupmáttar er eldsneytisverð á Íslandi líklega neðan við miðju landanna í Evrópu þrátt fyrir allt.

Eldsneytið misdýrt í Evrópu

Hefði mátt veita meiri upplýsingar

Til dæmis. Hver var meðalhraði bílana? Hver var akstursleiðin?

Er aksturslag, ökuhraði og akstursleið í samræmi við raunveruleikann?

Hvernig mundu þessir bílar standa sig við akstur í borgarumhverfi á höfuðborgarsvæðinu í daglegum akstri? Venjulegur bíll getur eytt um 70 L/100km á fyrsta kílómetranum eftir kalda ræsingu, þ.e. 0,7L/km.

Það er hætt við að sparaksturskeppnir þó fróðlegar séu ýti undir þá tilfinningu að allir bílar af þessum tegundum eyði eins og bílinn í sparaksturskeppninni en það er auðvitað langur vegur frá.

Ég hefði líka verið til í að sjá fleiri tegundir ökutækja í þessari keppni. Til dæmis reiðhjól, rafmagnshjól, rafmagnsvespu, bensínvespu.

Hvaða farartæki skyldi nú hafa vinningin í orkunýtni?

Yaris eyddi minnstu

Til fyrirmyndar hjá lögreglunni

Það er gott mál hjá lögreglunni að hún reynir að framfylgja landslögum. Meira af þessu. Það er ekki eins og vanti bílastæði á þessu landi.

Það drepur engan að leggja löglega og ganga 2-3 mín. á áfangastað. Frekar að það sé hollt og gott fyrir viðkomandi.

 

Hvergi næði til að leggja ólöglega

Cycleville Stockholm

Vill vekja athygli á nýjum tengli hér til hliðar á bloggsíðuna Cycleville Stockholm.

Alltaf gaman að vita hvað frændur vorir svíar eru að bedrífa í hjólamálum og Cycleville er með skemmtilegri pólítískum bloggum í þeim ranni. Fjallar aðallega um samgönguhjólreiðar.

Birtir einnig viðtöl við svo kallaða "ambassadora" hjólreiða þ.e.við hjólreiðamenn sem segja frá eigin hjólreiðum.

 

Hafa þarf forsendur á hreinu

Er t.d. tekið tillit til mismunandi uppruna nemenda í framhaldsskólunum?

Sumir skólar geta valið úr nemendum eftir einkunnum og stöðu. Ef einkunnir og uppruni nemenda í MR er þannig er það ekki skólinn sem er bestur samkvæmt þeim mælikvörðum sem eru notaðir heldur nemendurnir.

Ef valið væri af handahófi inn í skólana mundi árangur MR verða sá sami?

MR bestur að mati Frjálsrar verslunar

Ætti að færa umferðareftirlit frá lögreglu?

Maður veltir því fyrir sér hvort umferðareftirlitið sé ekki betur komið hjá öðrum aðila en lögreglunni. Hún virðist ekki hafa mikinn áhuga á að sinna því.

Kannski ætti að færa umferðarbrot undan refsilöggjöfinni og setja þau upp sem gjaldskyld brot á sambærilegan hátt og stöðubrot. Þannig væri hægt að láta sérstakan aðila sinna umferðareftirliti. Til dæmis fyrirtæki á vegum sveitarfélaganna eins og stöðumælaverði eða verktaka sem fengi verkið eftir útboð. Frjálshyggjumenn ættu nú að geta fagnað því að geta einkavætt þetta verkefni.

Lögreglan gæti þá fengist við raunverulega glæpamenn í staðinn.

„Plastpokaskilti“ verða tekin niður

Að læra að skammast sín!

Eitthvað vantar upp á uppeldið hjá þeim sem láta svona. Nánast alltaf er fullt af stæðum í næsta nágrenni þar sem hægt er að leggja bílum.

Maður er ekki minni maður þótt maður leggi bílnum í stæði og labbi 100-200 m, þó það sé íslenskum smásálum um megn.

Óviðunandi ástand við íþróttavelli

Gott framtak hja borginni

Vera duglegir ad skra leidirnar sinar.

Kortleggja hjólreiðar á vefnum

Lakkrís, kólesterol og salt.

Slök hagstjórn er aðalmeinsemdin í efnahagsstjórn þjóðarinnar. Það væri án efa hægt að hafa stöðugleika og trausta hagstjórn ef stjórnvöld og Seðlabanki myndu ganga í takt og beita aga í hagstjórninni. Við gætum sem best haft sjálfstæða krónu eða evru innan EB ef aga og sjálfstjórn væri beitt, þó tækin sem beitt er við hagstjórnina séu ólík eftir því hvor leiðin er farin.

Því miður hafa bara komið stutt tímabil þar sem stjórnvöld hafa fylgt þessu. Eins hefur Seðlabankinn fram undir það síðasta verið  beygður undir pólitíska duttlunga ríkjandi stjórnvalda. Skelfilegasta dæmið um þesskonar hagstjórn er bólan okkar fyrir hrun þar sem stjórnvöld réru öllum árum að því að skapa ójafnvægi og þenslu. Ef við líkjum efnahagsmálum þjóðarinnar þá við sjúkling með háan blóðþrýsting, gaf læknirinn (stjórnvöld) honum lakkrís, kólesteról og salt og skipuðu honum að hætta að hreyfa sig í staðinn fyrir að gefa sjúklingnum blóðþrýstingslækkandi og temja sér hollari lífsstíl. Um þetta fjallaði ég hér: Krónan - sökudólgur eða blóraböggull?

Hugtök eins og að tala ekki niður eða kjafta upp sýnir á hvaða villigötum menn geta verið. Þar sem traust hagstjórn er þarf ekki að tala niður eða kjafta upp. Þar eru verkin látin tala.

Verstir í augnablikinu eru þeir stjórnmálamenn sem tala af ábyrgðarleysi eins og til séu töframeðöl sem geti leyst öll vandamál  í einni svipan. Leiðin fram undan verður löng, ströng og ekki án fórna eða þjáninga. Það er þó ekki þar með sagt að hún verði leiðinleg eða ástandið skelfilegt. Fram undan er verkefni sem þjóðin getur hlakkað til að leysa vel af hendi.

Segir slaka hagstjórn skaðvald

Hjólreiðar 2010 - 3. þáttur - Orkan

Hjólreiðamaðurinn eyðir eigin orku við að hjóla en orkuna fær hann úr matvælum upprunalega. Margir búa líka svo vel að hafa eigin orkubirgðir í formi fitu geymda í fitufrumum sem hægt er að grípa til sem orkugjafa við hjólreiðar.

Það er nokkuð erfitt að komast að því hvað maður hefur eytt nákvæmlega mikið af orku. Það er þó hægt að áætla það og það er sennilega alveg nógu góð nálgun. Á Orkusetri er reiknivél sem reiknar út hversu mikla orku maður hefur eytt við að hjóla ákveðna vegalengd og er það reiknað út frá líkamsþyngd. Reiknivélin getur líka áætlað hvað maður hefur sparað mikið eldsneyti, krónur og koltvísýring í útblæstri ef þessi vegalengd hefði verið farin á einkabílnum.

Þetta gerði ég fyrir árið 2010 og miðaði við 75 kg líkamsþyngd, VW Caddy 1,4 L, bensínverð 205 kr/L og 4.100 km hjólreiðar.

Niðurstöðurnar voru eftirfarandi:

Sparnaður á bíl, CO2: 815,9 kg • Eldsneyti: 340,3 ltr • Kostnaður: 69.761 kr
Kaloríubrennsla: 130.102 kal

Þessar 130 þús kcal jafngilda um 14,5 kg af hreinni fitu. Það má því segja að hjólið mitt eyði um 353 g af fitu/100 km. Þetta er ótrúlega lág eyðsla enda eru hjólreiðar orkunýtnasti samgöngumáti sem vitað er um.

Í reiknivélinni kemur þó ekki fram hvort að þyngd reiðhjólsins er bætt við líkamsþyngdina og þá hvaða þyngd er reiknað með fyrir reiðhjólið.  Ef þyngd reiðhjólsins er ekki með má hiklaust bæta við um 15-20 kg í þyngd reiðhjóls, fatnaðar og farangurs. Maður er sjaldan útbúinn eins og í hjólreiðakeppni. Áhrif þyngdar eru mikil í reiknivélinni. Til dæmis mundi 100 kg þýða að eytt hefði verið um 173.469 kcal. Þetta eru góðar fréttir fyrir þá sem eru þungir. Það þýðir að þeir eiga auðveldari með að létta sig því þeir þurfa að eyða mun meiri orku en léttari maður til að ferðast sömu vegalengd.

Þá má benda á að reiknivélin tekur aðeins tillit til kostnaðar við eldsneyti bílsins en ekki annars kostnaðar við rekstur hans. FÍB setur fram tölur um kostnað við bílaeign og hef ég áætlað út frá því að kostnaður við 4.000 km akstur sé um 115-152 þús kr. við rekstur misjafnt eftir bílum.

Verðflokkur bíls (kr)	2.950.000	3.650.000	5.000.000
Þyngd bíls (kg)	1.000	1.250	1.450
Eyðsla bíls (l/100 km)	8	9	11
Akstur á ári (km)	15.000	15.000	15.000
A: Kostnaður vegna notkunar (kr/km)	26,8	29,4	36
C: Bílastæði og þrif (kr/km)	1,97	1,97	1,97
Samtals kostnaður við notkun (kr/km)	28,77	31,37	37,97
Akstur úr og í vinnu (km)	4.000	4.000	4.000
Sparnaður á ári á notkun bíls m.v. 4.000 km akstur í vinnu kr.	115.080	125.480	151.880
Heildarkostnaður á ári við að eiga bíl  skv. FÍB kr.	1.128.975	1.309.625	1.652.800

Mesti sparnaðurinn fyrir heimili kemur þó til ef menn losa sig við einn eða fleiri bíla af heimilinu og nota hjól, göngu, strætó og leigubíla á móti, því aðal kostnaðurinn við að eiga bíl er ekki notkunin sem slík heldur það að eiga bílinn eins og útreikningar FÍB sýna. Árskostnaðurinn við að eiga og reka þessa bíla í dæmi FÍB hér að ofan er 1,13 til 1.65 milljónir króna á ári.

Annað sem má benda á er að kostnaður við notkun er hærri ef ekið er stuttar vegalengdir t.d.  í og úr vinnu. Í því sambandi má benda á að nýr 1,5 tonna bíl með 1,4 L vél getur skv. framleiðanda eytt allt að 0,7l/km (70L/100km) í köldu starti u.þ.b. fyrsta kílómetrann eftir ræsingu. Fyrsti kílómeterinn gæti því kostað tæpar 150 kr á vetrarmorgni. Það virðist mjög óskynsamlegt að aka stuttar vegalengdir og til mikils að vinna að draga úr því.

Þegar upp er staðið skiptir þetta þó litlu máli. Það er ekki hægt að setja ánægjuna í línurit.

Ég hjóla vegna þess að mér finnst það skemmtilegt og þægilegt. Allt hitt er bara góður bónus.