Að vera samkvæmur sjálfum sér

Fyrst menn hafa svona miklar áhyggjur af dekkjakurli hafa menn þá ekki sömu áhyggjur af akstri bíla á dekkjum. Þeir gefa frá sér fínt gúmmiryk við slit á dekkjunum sem endar í svifrykinu sem við öll öndum að okkur auk allrar annarar mengunar og eiturefna sem bílar losa. Verða menn ekki að vera samkvæmir sjálfum sér? Að mati Umhverfisstofnunar deyja um 30-70 Íslendingar fyrir aldur fram vegna áhrifa loftmengunar.

http://www.visir.is/tengsl-a-milli-svifryks-og-otimabaerra-andlata/article/2015150419151

Meirihluti þeirrar örplastmengunar sem er í hafinu eru líka ættuð frá sliti á hjólbörðum bíla.

http://tuttugututtugu.com/2015/03/03/hjolbardar-staersti-hluti-mikroplasts-i-noregi/

http://www.ruv.is/sarpurinn/klippa/plastmengun-i-sjo-sigridur-kristinsdottir

 

Dekkjakurlið burt úr Kópavogi

Gjaldskylda er lausnin

Ég sé ekki hvernig Kringlan ætlar að framfylgja þessu til langframa nema hafa sjálfvirka lokun á morgnanna. Þá getur engin annar lagt þarna heldur á þeim tíma nema að það verði komið fyrir einhverskonar kortahliði. Verslingar eru á algjörlega löglegum bílum og mega því leggja við Kringluna þótt það sé þeim í Kringlunni til ama. Vandinn er að ekki er tekið sanngjarnt gjald fyrir bílastæðin og því er þetta algjörlega aumingjaskapnum í forsvarsmönnum Kringlunnar að kenna.

Lausnin er greinilega gjaldskylda á stæðin í Kringlunni og við Versló líka. Þeir verslingar sem búa innan við 1 km radíus frá skólanum mundu þá flestir hætta að keyra þennan spotta og þá væri nóg af bílastæðum við skólann.

 Þetta ætti að smellpassa við frjálshyggjupostulana í Versló. "There is no free lunch" er það ekki.

Verslingar í hart við Kringluna

Niðurgreiðslum hætt?

Það væri fróðlegt að sjá útreikninga Isavia á kostnaði við stæðin. Þessi gjöld virðast há en eru kannski eðlileg miðað kostnað. Nýtingarhlutfall hlýtur þó að hafa mikil áhrif. Nýtingarhlutfall stæðanna við flugstöðina virðist hátt einkum við langtímastæðin og mun hærra en í öðrum gjaldskyldum stæðum á Íslandi. Það gæti verið að gjöld séu oftekin við flugstöðina allavega ef miðað er við að þau eru ekki í bílastæðahúsum og ef við horfum til langs nýtingartíma. Miðað við skipulagsáform við flugvöllinn gæti þó þurft að færa bílastæði fljótlega og verður þvi afskriftartíminn styttri en ella.

það eru líka tíðindi að starfsmenn þurfi að greiða fyrir bílastæði. Þetta er það sem koma skal.

Við sitjum enn uppi með að nánast öll bílastæði landsmanna eru niðurgreidd, bæði þau sem notendur þurfa ekki að greiða fyrir og þau sem er gjaldskylda í. Það eru sennilega bara stæðin við flugstöðina og stæðin við Höfðatorg, sem standa undir sér.

Bílastæðagjöld tvöfaldast

Hærri vextir?

Afnám verðtryggingar, eða miklar skorður við því að venjulegir húsnæðiskaupendur taki verðtryggð lán, mun að óbreyttu líklega þýða hærri vexti og þyngri endurgreiðslubyrði. Það mundi líklega taka mörg ár að skapa þannig trú og jafnvægi í efnahagslífinu að óverðtryggðir vextir verði viðunandi. Allan þann tíma yrði að vera ábyrg og hófleg efnahagstefna. Fram að þessu hefur það ekki gengið upp á Íslandi. Hafa menn meiri trú á því núna?

Persónulega held ég að það væri æskilegast að afnema verðtryggingu, hafa ábyrga efnahagstefnu, stöðugleika, lága vexti o.s.frv. Ég er bara ekki sérlega trúaður á íslenskt samfélag að þessu leyti.

Ég hef áður fjallað aðeins um þetta:

Ekki við öðru að búast

Tími til kominn að fasteignaverð lækki

 

Framsókn hefur „miklar áhyggjur“

Frábært

Það er tími til komin. Svona lítur þetta út dagsdaglega.

 

 

 

 

 

 

 

 

 

 

 

 

 

 

Kópavogur skoðar bílastæðagjald

Skattar lágir en eldsneytisverð hátt

Það virðist eins og olíufélögin taki til sín hærra hlutfall af útsöluverðinu hér en í nágrannalöndum okkar. Að minnsta kosti eru skattar á eldsneyti með lægsta móti á Íslandi en verðið með hæsta móti, í samanburði við önnur Evrópulönd.

Ég skrifaði grein um þetta í fyrra sem má nálgast hér: Skattar á eldsneyti og eldsneytisverð

Kostar neytendur milljarða

Hver ber ábyrgðina?

Hver skyldi bera ábyrgð á þessu? Vegriðið eða farsíminn?

Varla er það ökumaðurinn. 

https://www.facebook.com/logreglan/posts/924837724246443

„Sé bíl koma fljúgandi á móti mér“

Of sterkt til orða tekið?

Mér finnst þetta of sterkt til orða tekið hjá Herdísi. Ég hefði sagt að: "Gamlir barnastólar geta verið varasamir" en að þeir séu dauðagildrur? Er þetta ekki gjaldfelling orðanna?

Er ekki lífið sjálft dauðagildra því á endanum verður það okkur að aldurtila?

Gamlir barnastólar dauðagildrur

Líklega ódýrari kostur en ökustyrkir og bifreiðahlunnindi

Það er jákvætt að Kristín noti leigubíla frekar en að vera með ökustyrk fyrir eigin bifreið eða bifreið á vegum stofnunarinnar og tilheyrandi bifreiðahlunnindi. Líklega er það líka talsvert ódýrara fyrir stofnunina.

Í þessum stutta pistli á Mbl.is kemur ekki fram hvort hún gangi, hjóli eða  taki strætó þegar það er inn í myndinni en það þykir mér ekki ólíklegt ef stofnunin er á Akureyri. Þar eru fjarlægðir litlar og þægilegt að hjóla t.d. út á flugvöll og ganga um bæinn.

Stýrir Jafnréttisstofu án bílprófs

Of dýrt

Það virðist ekki vera hagstætt að byggja íbúðir í turnum. Að minnsta kosti virðist venjulegt fólk seint hafa efni á að kaupa þar íbúð.

Ef maður reiknar meðaverð á íbúð m.v. 0% hagnað af byggingu turnins kostar meðalíbúðin 62,5 milljónir sem er því miður of mikið fyrir minn efnahag og sennilega marga fleiri.

Áforma 80 íbúðir í Höfðatorgsturni